Həzrət Peyğəmbər (s) Təbuk döyüşündən qayıdan zaman Səyid Ənsari onu qarşılamağa gəlir. Bu insan tarlada çalışır və zəhməti ilə ailəsini dolandırırdı. Həzrət (s) onun əlini öpür və buyurur: "Bu, o əldir ki, atəş onunla təmasda olmaz".
İmam Sadiq (ə) buyurur: "O kəs ki, ailəsinin ehtiyacını təmin etmək üçün səy göstərər, Allah yolunda cihad edən mücahid kimidir".
Həzrət Peyğəmbər (s) buyurur: "İbadətin 70 hissəsi vardır. Onların ən üstünü - halal mal əldə etməkdir".
Ruzi qazanmaq zamanı niyyət barədə Həzrət Rəsuli-Əkrəm (s) buyurur: "O kəs ki, dünyada halal ruzi istəyində olar və niyyəti xanımı ilə uşaqlarının rifahını gücləndirmək, başqalarından istəməkdən ehtiyacsız olmaq, qonşulara və yoxsullara əl tutmaq olarsa - üzü on dörd günlük ay kimi parlayan halda Allahla görüşə tələsər".
Həzrət Peyğəmbər (s) buyurur: "Allah qazanc əldə etmək üçün əziyyət çəkən bəndəsini sevər".
Həzrət Rəsulallah (s) buyurur: "Allah Təala hər günahdan keçər, həyat yoldaşının mehriyyəsini inkar edəndən və fəhlənin haqqını qəsb edəndən başqa".
İşi layiqincə yerinə yetirməyin lazımlığı barədə Həzrət Peyğəmbər (s) buyurur: "Allah o fəhləni sevir ki, ona tapşırılan işi yaxşı şəkildə yerinə yetirər".
