“Əl-Cəzirə” telekanalının verdiyi məlumata görə, altı aydır fəaliyyət göstərən layihə çərçivəsində hər gün təxminən 3000 Quran tələbəsi bu platformalara daxil olur.
Layihədə iştirak edən insanların fikrincə, Quranın müsəlmanların həyatında mərkəzi yer tutmasına baxmayaraq, onların onunla qarşılıqlı əlaqəsi əsasən qiraət və əzbərlə məhdudlaşır, təfsirlər isə təfəkkürdən çox ritorika və dil üzərində qurulur.
Bu layihənin məqsədi Qurani-Kərimi oxunacaq mətndən düşünə, başa düşülə və istifadə edilə bilən mətnə çevirməkdir.
Bu onlayn təşəbbüsdə Quran ayələri hər gün hərtərəfli təfsir edilir. Müsəlmanların Qurani-Kərimlə daha praktik ünsiyyət qurmalarına zəmin yaratmağa cəhd edilir.
Layihə hər gün bir səhifənin oxunmasını, ardınca terminlərin sadələşdirilmiş izahatlarını, ümumi mənaların xülasəsini, klassik və müasir şərhlərdən çıxarışları, təhsil və praktiki prinsiplərdən əldə etməyi nəzərdə tutur. Bu layihə müsəlmanların gündəlik həyatlarında kök salan əlçatan bir yanaşma təklif etməklə onların Quranla əlaqəsini gücləndirmək məqsədi daşıyır.
