Avqustun 31-də işa namazından sonra müxtəlif sərhəd vilayətlərinin vəqf idarələrində keçiriləcək bu seminarlar, nazirliyin "Anlayışlarınızı düzəldin" proqramı çərçivəsində maarifləndirici və təlim xarakterli tədbirlərin bir hissəsidir.
Seminarların məqsədi Peyğəmbərin (s) həyatı, ali əxlaqi keyfiyyətləri və ömrü boyu təcəssüm etdirdiyi fəzilətlər haqqında hərtərəfli baxış təqdim etməkdir. Bu seminarlar müsbət dəyərlərin yayılması, yanlış təsəvvür və davranışların islah edilməsi məqsədi ilə şəxsiyyətin formalaşmasında və ictimai əlaqələrin gücləndirilməsində əxlaqın təsirinə diqqət yetirəcək.
Bu tədbir Misir Vəqflər Nazirliyinin məscidlərin təbliğat və təhsil rolunu artırmaq, dini təbliğatı cəmiyyətdə şüur və dəyərləri gücləndirən məsələlərlə əlaqələndirmək üçün həyata keçirdiyi elmi seminarların bir hissəsidir.
Seminarlarda Peyğəmbərin (s) başqaları ilə münasibətdəki ali əxlaqı və fəzilətləri vurğulanaraq, onun mehribanlıq, empatiya, hörmət və sosial həmrəylik sahəsindəki praktiki nümunələri izah ediləcək.
Həmçinin bu görüşlərdə vurğulanacaq ki, nəbəvi əxlaq sadəcə nəzəri prinsiplər deyil, həm də şəxsiyyətin formalaşması və hörmət, empatiya və əməkdaşlığa əsaslanan bir cəmiyyətin yaradılması üçün hərtərəfli bir yanaşmadır ki, bu da yanlış təsəvvürlərin aradan qaldırılması və müsbət davranışların təşviqi səylərini dəstəkləyir.
Misirin Bəhrül-Əhmər (Qırmızı dəniz), Cənubi Sina, Vadi əl-Cədid, Mətruh, Şimali Sina və Süveyş kimi bir neçə sərhəd vilayətində keçirilən bu seminarlar, Misir Vəqflər Nazirliyinin təbliğat və təhsil proqramlarını müxtəlif bölgələrə yaymaq, məscidlərin maarifləndirmə və dəyərlərin təbliği rolunu gücləndirmək üçün göstərdiyi səylərin bir hissəsidir.
