İslam İnqilabının Ali Məqamlı Rəhbəri mayın 4-ü, bazar günü səhər Həcc ziyarətinin məsulları və bir qrup zəvvar ilə görüşündə Allahın həccin əməlini təyin etməkdə məqsədini bəşəriyyətin idarə olunması üçün yol göstərən və kamil bir örnək təmin etmək adlandırıb və əlavə edib: “Bu öhdəliyin zahiri görünüşü tamamilə siyasi, tərkib hissələrinin məzmunu isə bütün bəşəriyyətin mənafeyini təmin etmək üçün tamamilə mənəvi və ibadi bir əməldir”.
Ayətullah Xamenei çıxışının əvvəlində həqiqətən də faciəvi Bəndər Abbas hadisəsi qurbanlarının ailələrinə başsağlığı verib, bu soydaşlarımıza və həlak olanların ailələrinə səbir diləyib və vurğulayıb: “İnsanın müxtəlif hadisələrdə göstərdiyi səbir müqabilində Allah min qat daha qiymətli mükafat verir”.
O, təbii və qeyri-təbii fəlakətlərdə qurumlara dəymiş ziyanı digər qurumların səy və imkanları ilə kompensasiya edilə bilən hesab edərək əlavə etdi: “İnsan qəlbini yandıran, bu hadisəni bizim və hər kəsin faciəsinə çevirən “əzizlərini itirmiş ailələr”dir.
İnqilab Rəhbəri çıxışına davam edərək, bu əməlin düzgün yerinə yetirilməsinin müqəddiməsi olaraq, Həccin məqsədləri və müxtəlif ölçülərini bilmək və dərk etməyi Allah evinin zəvvarları üçün çox vacib adlandırıb. O, Qurani-Kərimin çoxsaylı ayələrinə istinad edərək əlavə etdi: “Həcclə bağlı bir çox ayələrdə “nas” (insanlar) ifadəsinin işlədilməsi göstərir ki, Allah bu əməli təkcə müsəlmanların deyil, bütün insanların işlərini idarə etmək üçün təyin etmişdir. Ona görə də həccin düzgün yerinə yetirilməsi insanlığa xidmətdir”.
Həccin mərifət tərəflərini izah edərkən, onu forma və tərkibi 100% siyasi olan yeganə vacib əməl adlandırmışdır. Hər il insanları bir məkanda və müəyyən məqsədlər üçün bir araya gətirdiyi üçün bu işin mahiyyəti siyasidir.
Ayətullah Xamenei əlavə edib: “Həcc ziyarətinin siyasi forma və tərkibi ilə yanaşı, onun tərkib hissələrinin məzmunu da yüz faiz mənəvi və ibadidir. Onların hər birində insan həyatının müxtəlif məsələlərinə və ehtiyaclarına rəmzi və ibrətamiz işarələr vardır”.
Ali Rəhbər, bu rəmzləri izah edərkən “Təvaf” dərsini tövhidin oxu və mərkəzliyi ətrafında fırlanmağın zəruriliyi adlandırıb və əlavə edib: “Təvaf bəşəriyyətə öyrədir ki, hökumət, həyat, iqtisadiyyat, ailə və bütün məişət məsələləri tövhid ətrafında qurulmalıdır. Belə olan halda artıq vəhşiliklər, uşaq öldürmələr, həddi aşmaq olmaz, dünya cənnətə çevrilər”.
İnqilab Rəhbəri “Səfa ilə Mərvə arasındakı səy etməyi” insanın daim çətinliklər dağları arasında səy göstərməli, heç vaxt dayanmaması, tərəddüd etməməsi və çaşıb qalmaması zərurətinə işarə hesab edib.
Ayətullah Xamenei, “Ərəfata, Məşər və Minaya doğru hərəkət etməyi” daimi hərəkətdə və durğunluqdan çəkinməkdə dərs sayıb və əlavə edib: “Qurban kəsmək də ona işarədir ki, bəzən insan öz əzizlərindən keçməli, qurban verməli, hətta qurban olmalıdır”.
O, Allahın “Rəmy cəmərə” ilə bu məqama vurğu etmək istədiyini bildirib ki, insan, cin və insandan olan şeytanları tanımalı və harada tapsa, onları vurub məhv etməlidir.
İnqilab Rəhbəri həmçinin “ehram libası geyinməyi” Allah qarşısında təvazökarlıq və insanların bərabər olmasının nişanəsi hesab edərək əlavə edib: “Bütün bu əməllər bəşəriyyətin həyatına bir istiqamət verməkdir”.
İnqilab Rəhbəri Qurani-Kərimdən bir ayəyə istinad edərək, Həccdə “toplaşmağı”ın məqsədini müxtəlif bəşəri faydaları dərk etmək və onlara nail olmaq adlandırıb və deyib: “Bu gün İslam ümməti üçün vəhdətdən böyük fayda yoxdur. Əgər İslam ümməti arasında birlik, harmoniya və sinerji olsaydı, indiki faciələr Qəzzada və Fələstində baş verməzdi. Həmçinin Yəməndə təzyiqlər təzyiqlər baş verməzdi”.
O, İslam ümmətinin parçalanmasını müstəmləkəçilərin, Amerikanın, sionist rejimin və digər təəssübkeşlərin maraq və ambisiyalarını xalqların üzərinə yıxmaq üçün ilkin şərt hesab edərək əlavə edib: “Ümmətin birliyi ilə İslam ölkələri arasında təhlükəsizlik, tərəqqi və sinerji və onların bir-birinə yardımı mümkündür və həcc fürsətinə də bu prizmadan baxmaq lazımdır”.
Ayətullah Xamenei İslam hökumətlərinin, xüsusilə də ev sahibi hökumətin Həccin həqiqətləri və məqsədlərini izah etməkdəki rolu və vəzifəsini böyük hesab edərək dedi: “Ölkələrin rəsmiləri, alim və ziyalılar, yazıçılar, ictimai rəyə təsir edən insanlar Həcclə bağlı həqiqətləri insanlara izah etməyə borcludurlar”.
