İslam dini insanların yalnız axirət aləminə yox, həmdə dünya yaşayışına çox önəm verir. Dünya və onun nemətlərinə yiyələnərək, o nemətlərdən düzgün şəkildə istifadə etməklə, həm dünyamızı, həmdə əbədi olan axirət həyatımızı yaxşılaşdıra bilərik. Əhli-beyt imamlarının (ə) hədislərin i mütaliə edəndə, görürük ki, onlar bizə bir çox maddi problemlərin həlli üçün həm mənəvi səbəblər, həm də əməli yollar göstərirlər . İmamların (ə) kəlamlarına əsaslanaraq, ən mühüm tövsiyələri qısa və praktik formada aşağıda gətiririk.
1- Təqva və halal ruzi
Halal ruzinin artması və bərəkətli olması üçün ən önəmli şərt, insanın təqvalı olmasıdır.
Bu barədə İmam Əli (ə) buyurur: “Təqva ruzinin açarıdır.”
Haramdan çəkinmək, az da olsa halal qazanma ğın yolunu açır və ruziyə bərəkət gətirir.
Maddi çətinliklərin əsas səbəblərindən biri haram qazanc sayılır.
2- Dua və Allahdan istəmək
Halal ruzi qazanmağın ikinci yolu, Allaha dua edib, ondan halal ruzi istəməkdir.
İmam Cəfər Sadiq (ə): “Dua ruzini cəlb edir, hətta bağlanmış qapıları da açar.”
Ruzinin artması üçün xüsusilə tövsiyə edilən dualar:
İstiğfar ( أستغفر الله ) “ Əstəğfgirullahə”
Və “Ya Razzəq” zikrini deməkdir.
3- Sədəqə vermək
Çox sayda hədislərdə sədəqə vermək tövsiyə edilir. Xüsi ilə də sədəqənin halal və bərəkətli ruzinin artması ilə bağlı kifayət qədər hədislər nəql edilib.
İmam Baqir (ə): “Sədəqə yoxsulluğu aradan aparar və ruzini artırar.”
Pul azdırsa belə, çox az miqdar sədəqə də təsirlidir.
Sədəqə həm maddi, həm də gözlənilməz bəlaları uzaqlaşdırar.
4. Quran oxumaq
İmam Əli (ə) buyurur: Quran oxunan evdə yoxsulluq olmaz.
Ruzinin artması üçün bəzi surələrin oxunması xüsi olaraq tövsiyə edilir. Həmin surələr Vaqiə, Şəms, Leyl və Zuha surələridir və bu surələr ruzi ilə bir başa əlaqələndirilir.
5. Salavat və istiğfar
İmam Sadiq (ə) buyurur : Kim ruzisinin artmasını istəyirsə, Məhəmməd və Ali-Məhəmmədə çox salavat desin.
Salavatı n inasana xüsusi təsirləri var və onlardan bəzisi aşağıdakılardan ibarətdir.
Qəlbi rahatladır, Borcun yüngülləşməsinə səbəb olur və
Bərəkəti artırır.
6. İsrafdan çəkinmək və qənaət etmək
İsrafçılıqdan uzaq durmaq ruzinin artmasına səbəb olur.
İmam Əli (ə) buyurur: İsraf yoxsulluq gətirər, qənaət isə ehtiyacsızlıq.
İsrafşılıq ona görə ruzi artımının qarşısını alır ki, israfçı pulunu plansız xərcləyir və Plansız xərclər maddi sıxıntını artırar.
Eyni zamanda məntiqli Qənaət Əhli-beyt (ə) yolunun əsas prinsiplərindəndir. Ona görə də düzgün və məntiqli qənaət etmək halal ruzinin artmasına səbəb olar.
7. Zəhmət və çalışma
Təbii ki, “ Ruzim artsın” deyə düçünərək, heç bir işlə məşğul olmamaq məntiqsiz və mənasız bir düşüncədir. İslam dini zəhmət şəkib, işləməyə həm önəm, həm də çox dəyər verir.
Bu barədə İmam Kazım (ə) buyurur: Tənbəllik edən insan ruzidən məhrum olar.
Ona görə də Dua Əməl ilə birlikdə olmalıdır və insan başa düşməlidir ki, halal zəhmət əslində bir növ ibadətdir.
Xülasə olaraq Əhli-beytin (ə) halal ruzi barədə bizə olan tövsiyələrində n belə nəticəyə gəlmək olar ki, maddi problemlərin həlli nə , Təqva, Dua və İ stiğfar, Sədəqə, Quran oxumaq, Salavat demək, Qənaət etmək və Zəhmət çəkib, halal əməklə nail olmaq olar.
Hacı Elçin Əliyev
