Kəbənin yuyulması mərasimi Məkkə əmiri adından Səud ibn Məşəl ibn Əbdüləziz – Məkkə müavini və bir sıra Səudiyyə rəsmilərinin iştirakı ilə keçirilib.
Bu Səudiyyə şahzadəsi Kəbəyə daxil olduqdan sonra içərisini Zəmzəm suyu və qızılgül suyu qarışığı ilə yuyub. O, Kəbənin daxili divarlarını əvvəlcədən Məscidül-Həram və Məscidün-Nəbinin Baş İdarəsi tərəfindən hazırlanmış və bu qarışıqda isladılmış parçalarla silib. Sonra isə təvaf namazı olaraq iki rəkət namaz qılıb.
Kəbənin yuyulmasının birinci mərhələsi dünən – çərşənbə günü, qapı örtüyünün qaldırılması ilə başlanmışdı. Bu, əsas mərhələ – Kəbənin yuyulması üçün hazırlıq çərçivəsində həyata keçirilmişdi və bu mərasim bu gün, cümə axşamı sübh çağı, ən son standartlara uyğun şəkildə həyata keçirilib.
Kəbənin yuyulması üç əsas mərhələdən ibarətdir ki, onların hər biri böyük dəqiqlik və həssaslıqla icra olunur. Bu prosesə 20 litr Zəmzəm suyu, 80 millilitr xüsusi ətirli ağac yağı (oud) və 540 millilitr Taif qızılgül suyu ilə başlanılır.
Yuma mərhələsində həmçinin 11 litr Kəbə ətri, 3 millilitr müşk və sonda 500 millilitr Taif qızılgül yağı ilə ətirləmə və 500 qram keyfiyyətli ətirli buxur (oud) ilə buxurlama mərhələsi həyata keçirilir.
