Həzrət Ayətullah Mir Əbdülqəni Badkubəli, Böyük alim Seyyid Yusifin Oğludur. O, Qafqaz məntəqəsinin böyük alimlərindən, alim məqamlı fəqihlərindən biridir. 1845-ci ildə (1261 h. q.) Bakının Maştağa qəsəbəsində dünyaya göz açmışdır. Quran qiraəti, Gülüstan, Bustan kimi o zamanlar Qafqaz mədrəsələrində tədris olunan başqa kitabları və ilkin məlumat məqsədli dini hövzə dərslərini, dəyərli atasından və məntəqənin başqa ruhanilərinin hüzurunda öyrənmişdir. 1863- cü ildə Nəcəfi-əşrəf dini hövzəsinə səfər edərək, orada Ayətullah-üzma Ağa Seyyid Hüseyn Kuhkəməri, Ayətullah-üzma Mirzə Məhəmməd Həsən Şirazi, Ayətullah-üzma Mirzə Həbibullah Rəşti və Ayətullah-üzma Mövla Məhəmməd Fazil İrəvaninin elmindən bəhrələnərək, ali elmi-mənəvi məqamlara malik oldu. Nəcəfi-əşrəf dini hövzəsində təhsil aldığı müddətdə bir neçə il Bağdad və Samirra şəhərlərinə səfər etmiş və oradakı alimlərin elmi bəhslərindən istifadə etmişdir. O, 1887-ci ildə iyirmi dörd illik təhsildən sonra öz vətəninə qayıtdı. Orada dini maarifləndirmə, moizə və təbliğlə, həmçinin şəri əhkamların bəyanı və islam elmlərinin tədrisi ilə məşğul olmağa başladı. 1897-ci ildə Maştağanın Cümə məscidinin asəsını qoydu.
Bu ilahi alim və əzəmətli Seyyid, 1913-cü ildə (1331 h. q.) vəfat edib. Müqəddəs ruhunun bərəkətləri artıq olsun!
Allah rəhmət eləsin!