“Əl-Aləm” saytının verdiyi məlumata görə, məscid 1689-cu ildə tikilib. Bu, Ər-Riyadın ən qədim məscidlərindən biridir. Ənənəvi Nəcdi üslubunda tikilmişdir.
Məscid 1945-1993-cü illər arasında bir neçə dəfə bərpa edilmiş və yenidən tikilmişdir. Son təmir 2022-2024-cü illərdə Şahzadə Məhəmməd ibn Salmanın Tarixi Məscidlərin İnkişafı Layihəsinin ikinci mərhələsində həyata keçirilib.
Səudiyyə Ərəbistanı kralı Əbdüləziz ibn Əbdülrəhman Əl-Səud 1945-ci ildə onun yenidən qurulması barədə göstəriş verib. Bərpadan əvvəl məscidin eni 642 metr 85 santimetr idisə, təmir işləri nəticəsində 804 metr 32 santimetrə çatıb.
Məsciddə torpaq, palçıq və təbii materiallardan istifadə olunub və təbii mühitə və isti səhra iqliminə uyğun tikili kimi tanınır.
Yenidənqurmadan sonra 440 ibadət yeri olan bu məscidin tikintisində yüksək keyfiyyətli ağacdan istifadə olunub.
Akasiya və palma ağaclarından tikilmiş məscidin 33 sütunu var. Məscidin yenidən qurulması layihəsində ağacın zədələnməsinin qarşısını almaq üçün layihə mütəxəssisləri tərəfindən ağacın yenilənməsi və qurudulması prosesləri həyata keçirilib. Daha sonra ağacın həşərat tərəfindən zədələnməsinin qarşısını almaq üçün üzərində lazımi işlər görülüb.
Əl Qibli məscidi özünəməxsus tarixi və memarlıq kimliyini qoruyub saxlamaqla qədimilik ilə müasirliyin mükəmməl harmoniyasını təmsil edir.
